Ragnar Ulstein
VITJAR GAMLE VENER
Ragnar Ulstein (t.v), Oddbjørg Øvrebotten (gift Sørbotten) og bror hennar Arne Øvrebotten. Bilete
er frå gullbryllaupet til Oddbjørg og Ståle Sørbotten i Førde i 2012. Foto: Magnhild Sørbotten.
Ragnar Ulstein, frå Ulstein på Møre, var løytnant i Kompani Linge under krigen, og var fleire gonger i land på Norskekysten. Mellom anna deltok han i «Operasjon Vestige 1» i september 1943. Det var ein sabotasjeaksjonen mot forsynings- og troppeskipet «Hartmut», som var ankra opp for natta i fjorden vest for Svelgen. Hausten 1944 leia han oppbygginga av heimestyrken «Siskin» i Sogn. I dag er Ragnar Ulstein mest kjend som krigshistorikar og forfattar av fleire bøker om krigen i Norge, mellom andre «Englandsfarten» (2 bind), «Svensketrafikken» (3 bind) og «Etterretningstjenesten i Norge 1940–45» (3 bind). Han var og medforfattar av bokverket om Kompani Linge, som kom ut i 1948. I 2012 vitja han Oddbjørg og Ståle Sørbotten i Førde, som gjest i deira gullbryllaup. I september i år var han tilbake på gamle trakter i Botnane, og mintes aksjonen i 1943. Han var ein av mange som under krigen fekk kjenne gjestfridomen til folket i Botnane- og Årebrotområdet. Hos familien Magna og Thorbjørn Øvrebotten, fekk han husrom og skjulestad.
Ragnar Ulstein tilbake i Botnane 6. september i år, på Gudbransbøen
i Nordbotten, i samband med eit NRK-intervju. Det var her han gjekk i land
natt til 5. september 1943, saman med
Harald Svindseth og Nils Fjeld, for å førebu angrepet på skipstrafikken i Svelgenområdet. Foto: Ståle Sørbotten.
Kjelde: Flora-Minne, Flora Historielag, årsskrift 2015.